جنیوا(سپورٹس نیوز)فیفا نے انڈر 20 ویمنز ورلڈ کپ 2026 میں شرکت کرنیوالی تمام 24 ٹیموں کے سکواڈز کی باقاعدہ تصدیق کر دی ہے۔شنہوا کے مطابق پولینڈ میں 5 سے 27 ستمبر تک کھیلے جانے والے اس عالمی ایونٹ میں پولینڈ، بینن، ایکواڈور، نیو کیلیڈونیا، پرتگال اور تنزانیہ کی ٹیمیں پہلی بار شرکت کر رہی ہیں۔ 6 کنفیڈریشنز کی 24 ٹیموں کو 6 گروپس میں تقسیم کیا گیا ہے، جہاں سے ہر گروپ کی سرفہرست 2 ٹیمیں اور بہترین کارکردگی دکھانے والی 4 تیسرے نمبر کی ٹیمیں ناک آؤٹ مرحلے کیلئے کوالیفائی کریں گی۔ٹورنامنٹ کا یہ 12 واں ایڈیشن پولینڈ کے 4 شہروں کاٹوائس، بیئلسکو بیالا، لوڈز اور سوسنوویک میں منعقد ہوگا۔
