لاہور ( بیو رو چیف )امراض قلب راتوں رات کسی فرد کو شکار نہیں بناتے بلکہ ایسا برسوں میں ہوتا ہے۔روزمرہ کی چند عادات سے دل کے نظام کی صحت بتدریج متاثر ہوتی ہے۔آپ کی غذائ، نیند کا معمول، تنا ؤاور دیگر چند عادات جان لیوا امراض قلب بشمول ہارٹ اٹیک اور فالج کا شکارر بنا دیتی ہیں۔طبی ماہرین کیمطابق تمباکو نوشی سے دماغی شریانوں کو براہ راست نقصان پہنچتا ہے کیونکہ نائٹرک آکسائیڈ کی فراہمی گھٹ جاتی ہے۔نائٹرک آکسائیڈ ایسا مرکب ہے جو بلڈ پریشر کو معمول پر رکھنے میں مدد فراہم کرتا ہے اور اس کی کمی سے ورم بڑھتا ہے جبکہ بلڈ کلاٹ کا سامنا ہوسکتا ہے۔درحقیقت ایک یا 2 سگریٹس کا استعمال بھی امراض قلب کا خطرہ بڑھا دیتا ہے۔ماہرین کے مطابق دن کا زیادہ وقت بیٹھ کر گزارنے سے مسلز کی سرگرمیاں متاثر ہوتی ہیں جبکہ اعضا تک خون کی فراہمی بھی گھٹ جاتی ہے، جس سے نائٹرک آکسائیڈ بننے کا عمل متاثر ہوتا ہے۔خون کی روانی متاثر ہونے سے میٹابولزم کے افعال بھی متاثر ہوتے ہیں اور ورم بڑھتا ہے اور یہ سب عناصر امراض قلب کا خطرہ بڑھاتے ہیں۔6 گھنٹے سے کم نیند کو عادت بنانے سے بلڈ پریشر متاثر ہوتا ہے جبکہ تنا بڑھانے والے ہارمون کورٹیسول کی سطح بڑھتی ہے جس سے ورم میں اضافہ ہوتا ہے اور خون کی شریانیں سکڑ جاتی ہیں۔یہ سب عناصر طویل المعیاد بنیادوں پر امراض قلب کا شکار بنانے میں کردار ادا کرتے ہیں۔دائمی تناؤ سے کورٹیسول کی سطح مسلسل زیادہ رہتی ہے جس سے جسم پر مضر اثرات مرتب ہوتے ہیں جیسے ورم بڑھتا ہے، شریانوں کو نقصان پہنچتا ہے، انسولین کی مزاحمت بڑحتی ہے جبکہ شریانوں میں چربیلا مواد جمع ہونے لگتا ہے۔وقت کے ساتھ یہ دائمی تناؤ امراض قلب کا خطرہ بڑھاتا ہے۔طبی ماہرین کے مطابق الٹرا پراسیس غذاؤں کے زیادہ استعمال سے انسولین کی مزاحمت اور تکسیدی تنا بڑھتا ہے جبکہ شریانوں میں چربیلا مواد جمع ہونے لگتا ہے جس سے شریانوں کو نقصان پہنچتا ہے۔ان تمام عناصر سے وقت کے ساتھ امراض قلب کا خطرہ بڑھتا ہے۔ہائی بلڈ پریشر کو خاموش قاتل کہا جاتا ہے کیونکہ اس کی نمایاں علامات اکثر ظاہر نہیں ہوتیں۔اسی طرح کولیسٹرول کے باعث شریانوں میں چربیلا مواد جمع ہونے لگتا ہے اور یہ دونوں عناصر جان لیوا امراض قلب کا خطرہ بڑھانے والے اہم ترین عناصر ہیں۔
