لزبن (سپورٹس نیوز) عالمی شہرت یافتہ فٹ بالر کرسٹیانو رونالڈو اور جارجینا روڈریگز کی شادی کی تاریخ سامنے آگئی، کرسٹیانو رونالڈو اور جارجینا روڈریگز طویل انتظار کے بعد آخرکار شادی کے بندھن میں بندھنے والے ہیں۔ رپورٹس کے مطابق نیا جوڑا پرتگالی جزیرے ماڈیرا میں شادی کرنے کا منصوبہ بنا رہا ہے جہاں فٹ بال کے رونالڈو کی پیدائش اور پرورش ہوئی۔اگرچہ رونالڈو اور نہ ہی جارجینا نے باضابطہ طور پر شادی کی تاریخ یا مقام کی تصدیق کی ہے تاہم برطانوی میڈیا رپورٹس میں دعوی کیا گیا ہے کہ تقریب 8 اگست کو متوقع ہے، جس سے یہ قیاس آرائیاں کھیلوں اور تفریحی دنیا میں توجہ کا مرکز بننے والی ہے۔ دی سن کے مطابق، یہ جوڑا فائیو اسٹار ساوائے پیلس ہوٹل میں ایک شاندار استقبالیہ کی میزبانی کرنے سے پہلے ماڈیرا کے دارالحکومت میں واقع تاریخی فنچل کیتھیڈرل میں شادی کی رسم ادا کرے گا۔رونالڈو نے 8 سال ڈیٹنگ کے بعد اپنی گرل فرینڈ جارجینا روڈریگز سے منگنی کی تھی۔
