ممبئی (شوبز نیوز) تجربہ کار بالی وڈ اداکار شکتی کپور نے سوشل میڈیا پلیٹ فارمز پر اپنی موت کے حوالے سے گردش کرنے والی جھوٹی افواہوں پر سخت ردعمل دے دیا۔شکتی کپور کی موت کی افواہوں نے ان کے مداحوں کو صدمے اور الجھن میں مبتلا کر رکھا تھا۔ اداکار نے نہ صرف ان جھوٹے دعوں کو مسترد کیا بلکہ یہ وارننگ بھی دی کہ وہ اس قسم کی غلط معلومات پھیلانے والوں کے خلاف قانونی کارروائی کا ارادہ رکھتے ہیں۔یہ افواہیں رواں ہفتے کے آغاز میں آن لائن گردش کرنا شروع ہوئیں جہاں متعدد پوسٹس میں یہ جھوٹا دعوی کیا گیا کہ 73 سالہ اداکار انتقال کر گئے ہیں۔جیسے ہی مداحوں میں بے چینی پھیلی، بہت سے لوگوں نے سوشل میڈیا کا رخ کیا تاکہ تشویش کا اظہار کر سکیں اور حقیقت جان سکیں، لیکن جلد ہی شکتی کپور نے خود صورتحال واضح کرنے کیلئے قدم بڑھایا۔
