کراچی (شوبز نیوز) پاکستان کے معروف اداکار شہزاد نواز نے اپنی بہترین فٹنس کا راز پاکیزہ اور حسد سے دور زندگی کو قرار دیدیا ۔شہزاد نواز حال ہی میں ایک شو میں شریک ہوئے، جہاں ایک مداح نے ان سے سوال کیا کہ وہ عمر کے اس حصے میں بھی دن بہ دن زیادہ ہینڈسم اور فٹ نظر آتے ہیں، کیا وہ اپنی ڈائٹ پلان شیئر کریں گی اس پر شہزاد نواز نے جواب دیا کہ اس سوال کا جواب بہت سادہ ہے، اگر آپ اندر سے مطمئن ہوں، دوسروں کے لیے نیک نیت رکھیں اور دل صاف ہو تو آپ فٹ رہتے ہیں، اصل خوبصورتی اور صحت کا تعلق صرف غذا سے نہیں بلکہ انسان کے باطن سے بھی ہوتا ہے۔انہوں نے کہا کہ اگر آپ دوسروں پر ظلم کریں، کسی کی جائیداد پر قبضہ کریں یا کسی کا حق ناحق کھائیں تو اس کے اثرات آپ کے چہرے پر بھی نظر آتے ہیں۔ ااداکار کا کہنا ہے کہ اگر آپ عاجزی کے ساتھ پاکیزہ دل اور اچھی نیت کے ساتھ زندگی گزاریں تو اس کا عکس آپ کے چہرے اور شخصیت پر نمایاں ہوتا ہے اور آپ خودبخود فٹ اور تر و تازہ دکھائی دیتے ہیں۔
