لاہور (بیوروچیف) وزیراعلیٰ پنجاب کا مریم کو بتائیں (ایم کے بی) پروگرام عام شہریوں، کم آمدنی والے خاندانوں اور پسماندہ طبقات کو براہ راست امداد فراہم کرنے کے لیے شروع کیا گیا ہے۔ پروگرام کے تحت مالی مشکلات کا شکار افراد کو مالی معاونت اور مختلف سہولتیں فراہم کی جاتی ہیں۔پروگرام کے تحت بڑی تعداد میں درخواستیں موصول ہوئی ہیں، جن میں سے تصدیق شدہ درخواست گزاروں کو شفاف طریقہ کار کے ذریعے سہولتیں فراہم کی جا چکی ہیں۔پروگرام کے تحت پانچ اہم سہولتیں شامل ہیں، جن میں مالی امداد، موٹر سائیکل کے لیے پیٹرول سبسڈی، گندم کی کٹائی کے لیے ڈیزل سبسڈی، معاون آلات اور وہیل چیئرز کی فراہمی، جبکہ دھی رانی پروگرام شامل ہیں۔مالی امداد کی سہولت ہنگامی حالات یا شدید مالی مشکلات کا سامنا کرنے والے شہریوں کے لیے ہے۔ پروگرام کے مطابق ضرورت مند افراد کو 48 گھنٹوں کے اندر براہ راست مالی امداد فراہم کرنے کا ہدف رکھا گیا ہے۔پیٹرول سبسڈی کا مقصد کم آمدنی والے گھرانوں، روزانہ اجرت پر کام کرنے والے افراد اور موٹر سائیکل سواروں کے سفری اخراجات کم کرنے میں مدد دینا ہے۔وزیراعلی پنجاب ڈیزل سبسڈی پروگرام برائے گندم کی کٹائی کے تحت کسانوں اور چھوٹے ٹرانسپورٹ آپریٹرز کے ایندھن کے اخراجات کم کرنے میں معاونت فراہم کی جاتی ہے۔ اس اقدام کا مقصد زرعی پیداوار کے اخراجات کم کرنا اور غذائی اشیا کی قیمتوں کو مستحکم رکھنے میں مدد دینا ہے۔معاون آلات اور وہیل چیئر پروگرام کے تحت معذور افراد کو خودمختار اور باعزت زندگی گزارنے میں مدد دینے کے لیے مختلف آلات فراہم کیے جاتے ہیں۔ ان میں الیکٹرک اور دستی وہیل چیئرز، ٹرائی موٹر سائیکلز، سماعت کے آلات، چلنے کی چھڑیاں اور نقل و حرکت میں معاون دیگر آلات شامل ہیں۔دھی رانی پروگرام کے تحت مستحق خاندانوں کو شادی کے اخراجات پورے کرنے میں مدد فراہم کی جاتی ہے۔ اس پروگرام میں نوبیاہتا جوڑوں کے لیے مالی گرانٹ، گھریلو جہیز کی ضروریات اور شادی سے متعلق معاونت شامل ہے۔مریم کو بتائیں پروگرام کی سہولتوں کے لیے شہری ہیلپ لائن 1000 پر رابطہ کرسکتے ہیں، جو فراہم کردہ معلومات کے مطابق پنجاب میں کسی بھی نیٹ ورک سے مفت دستیاب ہے۔درخواستیں ویب پورٹل mkb.punjab.gov.pk کے ذریعے بھی جمع کرائی جاسکتی ہیں، جبکہ موبائل ایپ گوگل پلے اسٹور پر دستیاب ہے۔
