دبئی (سپورٹس نیوز) ایشین کرکٹ کونسل (اے سی سی) نے ویمنز ایشیا کپ 2026 کے شیڈول کا اعلان کر دیا ہے، جبکہ ٹورنامنٹ 28 اگست سے 13 ستمبر تک دبئی میں کھیلا جائے گا۔ ٹورنامنٹ میں پاکستان، بھارت، ہانگ کانگ اور تھائی لینڈ کو گروپ اے میں شامل کیا گیا ہے، پاکستان ویمنز ٹیم ایونٹ میں اپنی مہم کا آغاز یکم ستمبر کو تھائی لینڈ کے خلاف میچ سے کرے گی۔روایتی حریف پاکستان اور بھارت کی ویمنز ٹیموں کے درمیان گروپ مرحلے کا انتہائی اہم مقابلہ 5 ستمبر کو کھیلا جائے گا، جبکہ قومی ٹیم اپنا آخری گروپ میچ 7 ستمبر کو ہانگ کانگ کے خلاف کھیلے گی۔ویمنز ایشیا کپ میں گروپ مرحلے کے بعد کامیاب ٹیمیں ناک آٹ مرحلے کیلئے کوالیفائی کرینگی۔
