ممبئی (شوبز نیوز) بھارتی اداکارہ شگفتہ علی نے بولی وڈ اسٹار کرشمہ کپور کو ایک مغرور شخصیت قرار دے دیا۔انڈین میڈیا رپورٹس کے مطابق شگفتہ علی نے حالیہ انٹرویو میں کرشمہ کپور کے ساتھ کام کرنے کے اپنے تجربے پر کھل کر بات کی، اور انہیں ایک انتہائی محنتی فلمی شخصیت قرار دیا۔واضح رہے کہ دونوں نے فلم ہیرو نمبر 1 میں ساتھ کام کیا تھا۔انٹرویو میں جب کرشمہ کپور کے رویے کے بارے میں پوچھا گیا تو شگفتہ علی نے کہا کہ کام کے دوران ان کا رویہ نمایاں طور پر محسوس ہوتا تھا۔کرشمہ کپور بہت زیادہ پرامید تھیں۔ وہ بہت محنتی ہیں، لیکن ان میں بہت زیادہ غرور بھی ہے جو ہر جگہ ظاہر ہوتا ہے۔ جو رویہ آپ سیٹ پر لاتے ہیں اور جس طرح آپ پیش آتے ہیں، وہ بھی فرق پیدا کرتا ہے۔انہوں نے کہا کہ اداکاری ایک باہمی عمل ہے اور اس کیلیے دونوں فنکاروں کی فعال شرکت کی ضرورت ہوتی ہے۔
