کوئی بھی پرائیویٹ حاجی حج سے محروم نہیں رہے گا

اسلام آباد (بیورو چیف)رواں سال کوئی بھی پرائیویٹ حاجی حج سے محروم نہیں رہے گا۔ میڈیا رپورٹ کے مطابق پرائیویٹ حج آپریٹرز نے ڈیڈ لائن سے قبل تمام عازمین کی بکنگ کرا دی، حج آرگنائزر نے عازمین کی 100 فیصد رقم سعودی عرب میں جمع کرا دی۔گزشتہ سال رقوم منتقل نہ ہونے سے 63 ہزار عازمین حج سے محروم رہ گئے تھے، عازمین کی رہائش، کھانے پینے سمیت تمام سروسز کی ادائیگی کر دی گئی۔پرائیویٹ عازمین حج کے لئے منیٰ میں بھی رہائش کی بکنگ کرا لی گئی، حکومت نے نجی حج آپریٹرز کو 31 دسمبر کی ڈیڈ لائن دی تھی۔