کمالیہ(نامہ نگار)کمالیہ چیئرمین پاکستان پولٹری ایسوسی ایشن نارتھ زون ملک محمد شریف نے کہا کہ انڈے کے ریٹ میں بہت زیادہ کمی سے فارمرز شدید نقصان اٹھارہے ہیں ۔ پولٹری بزنس سیکٹر ڈیمانڈ اینڈ سپلائی کے ساتھ چلتا ہے ۔ آج بھاری نقصان اٹھانے والے فارمر کو کل جب پورا ریٹ ملتا ہے تو مخصوص طبقہ ریٹ بڑھنے کا شور مچادیتا ہے ۔ آج نقصان اٹھانے والے پولٹری فارمر نے کل اسی بزنس سے نفع کما کر اپنا خسارہ پورا کرنا ہے ۔ برائلر ریٹ کیپنگ کے حوالے سے حکومت کا ریٹ نکالنا بھی غلط فیصلہ ہے ۔ برائلر اور انڈے کا ریٹ دہائیوں سے ڈیمانڈ اینڈ سپلائی کیساتھ اوپر نیچے ہوتا ہے ۔ آج فارمر شدید سردی کے سیزن میں بھاری نقصا ن اٹھاکر بھی ڈیمانڈ اینڈ سپلائی کے ساتھ انڈے کا ریٹ خسارے میں دے رہا ہے ۔ پولٹری بزنس سیکٹر کے حوالے سے حکومت کو پائیدار اور زمینی حقائق کے مطابق پالیسی دینی چاہیئے ۔
