اے سی جڑانوالہ کاایچ کیو ہسپتال کا دورہ

جڑانوالہ (نامہ نگار) اسسٹنٹ کمشنر رنگزیب نے ایم ایس ڈاکٹر رانا عبدالواجد کے ہمراہ ٹی ایچ کیو ہسپتال کا دورہ کرتے ہوئے وارڈز میں داخل مریضوں کو فراہم کردہ مفت طبی سہولیات صفائی ستھرائی انتظامی امور اور جاری ترقیاتی کاموں کا جائزہ لیتے ہوئے ڈیوٹی پر موجود ڈاکٹرز و پیرا میڈیکل اسٹاف کو ہدایت کی کہ ٹی ایچ کیو ہسپتال میں داخل مریضوں کو مفت علاج معالجہ کی فراہمی یقینی بنائی جائے پنجاب حکومت عوام الناس کو علاج معالجہ اور طبی سہولیات کی فراہمی یقینی بنانے کیلئے دن رات کوشاں ہے انہوں نے ڈیوٹی پر موجود ڈاکٹرز و پیرا میڈیکل اسٹاف کی حاضری چیک کرتے ہوئے کہا کہ اپنی ڈیوٹیاں احسن طریقے سے سرانجام دیں دوران ڈیوٹی کسی قسم کی کوتاہی و غفلت ہرگز برداشت نہیں کی جائے گی۔ دکھی انسانیت کی خدمت کرنا اولین عبادت ہے پنجاب حکومت و ضلعی انتظامیہ کی ہدایت پر سرکاری ہسپتالوں میں مستحق و نادار مریضوں کو مفت ادویات اور علاج معالجہ کی فراہمی ہماری اولین ترجیحات ہیں۔ انہوں نے ٹی ایچ کیو ہسپتال میں جاری ترقیاتی کاموں کا جائزہ لیتے ہوئے کہا کہ ٹی ایچ کیو ہسپتال کے ایمرجنسی مردانہ/زنانہ وارڈ میں صفائی ستھرائی کے نظام کو مزید بہتر بنایا جائے اور علاج معالجہ کی غرض سے آنیوالے مریضوں کیساتھ احسن طریقے سے پیش آیا جائے شکایت کی صورت میں کوتاہی و غفلت کے مرتکب ڈاکٹر و پیرا میڈیکل اسٹاف کیخلاف محکمانہ کارروائی عمل میں لائی جائے گی۔ ایم ایس ڈاکٹر رانا عبدالواجد نے اسسٹنٹ کمشنر رنگزیب کو ٹی ایچ کیو ہسپتال میں فراہم کردہ طبی سہولیات بارے بریفنگ دی،اسسٹنٹ کمشنر رنگزیب نے ٹی ایچ کیو ہسپتال میں صفائی ستھرائی و انتظامی امور کے بہترین انتظامات کرنے پر ایم ایس ڈاکٹر رانا عبدالواجد کی کارکردگی کو تسلی بخش قرار دیا اور اپنے مکمل تعاون کی یقین داہانی کروائی ہے