فیصل آباد (سٹاف رپورٹر) بفیضان نظر سید خیرالدین ترمذی المعروف میراں سید خاص، پیر سید فدا حسین نقوی کا59واں سالانہ عرس مبارک24 اگست بمطابق10ربیع الاوّل شریف بروز سوموار کو ہو گا۔ سجادہ نشین سید مظفر حسین نقوی کے مطابق عرس کی تقریبات کا آغاز 24 اگست کو بعدازنماز مغرب نقوی دربار پیپلز کالونی نمبر2 صابریہ سراجیہ قبرستان دربار روڈ پر ہو گا۔ جس کے مہمان خصوصی محمد شریف عاکف ایڈووکیٹ ہونگے، گلفام علی’ سید احمد عباس نقوی’ سید عامر عباس نقوی اور دیگر ہدیہ نعت اور معروف قوال کلام پیش کرینگے۔ منتظم سید افتخار حسین نقوی نے مریدین اور عقیدت مندوں سے شرکت کی اپیل کی ہے۔ چادر پوشی’ محفل سماع اور ختم شریف کے بعد لنگر کا وسیع انتظام کیا گیا ہے۔
