محکمہ تعلیم میں جعلی تعیناتیاں پر تاحال کارروائی نہ ہوسکی

منڈی صادق گنج(نامہ نگار)محکمہ تعلیم میں جعلی تعیناتیوں پر کاروائی ندارد’ نئے تعینات ہونیوالے سی او ایجوکیشن بہاول نگر اور ڈپٹی ایجو کیشن زنانہ منچن آباد نے بھی کوئی کاروائی نہیں کی’بارڈر ایریا کے سکولوں میں جعلی ملازمین تعینات جانے کے بعد اور ان جعلی ملازمین کا ریکارڈ باقاعدہ پکڑے جانے کے باوجود ایک سال سے زائد کا عرصہ گزر چکا ہے لیکن تاحال نہ ان بوگس تعیناتیوں پر محکمہ تعلیم کی جانب سے کوئی بڑی کاروائی سامنے نہیں آئی افسران کی جانب سے دانستہ اس معاملے کو دبایا جا رہا ہے ذرائع کے مطابق اگر شفاف تحقیقات کی جائیں تو مزید بوگس تعیناتیاں بھی سامنے آئیں گی علی رضا عباس جٹ رانا محمد ابراہیم سمیت دیگر شہریوں کا کہنا ہے کہ نئے تعینات ہونے والے ڈسٹرکٹ ایجوکیشن آفیسر بہاول نگر اور ڈپٹی ڈسٹرکٹ ایجوکیشن آفیسر زنانہ منچن آباد نے تاحال اس معاملے پر خاموشی اختیار کر رکھی ہے ایڈیشنل سیکرٹری سکول ایجوکیشن ملتان اور سیکرٹری سکول ایجوکیشن پنجاب فوری طور پر بوگس تعنیاتیوں کی شفاف تحقیقات کروائیں اس میں ملوث مافیا کیخلاف سخت کاروائی عمل میں لائیں۔